Колку чини Autocad, а колку неуспехот?

Нашиот регион во изминатите 3 децении честопати беше во неповолна положба кога станува збор за дигиталната револуција и експанзија на програмите кои овозможија огромен напредок во работата во речиси секоја индустрија. Никогаш не недостигаа образовани професионалци кои во објективно лоши услови успеваа да набават програми на Autodesk и да направат проекти со кои и денес можат да се гордеат. За среќа, тоа време е зад нас и повеќето професионалци од AEC, MEP и индустријата за забава одлучуваат да ја препуштат својата работа на придобивките од легалните, платени лиценци за програмите на кои се заснова нивната работа и со помош на кои тие или компанијата заработуваат пари.

Сепак, сè уште е неопходно да се сврти вниманието, особено на помладите професионалци, на тоа колку предности дава добрата алатка уште на самиот почеток на професионалната кариера.

Незаконските верзии на Autodesk софтверот неизбежно се појавуваат на сајтовите за илегално преземање софтвер, но, она што повеќето корисници кои го преземаат, а често го занемаруваат се опасностите што доаѓаат со тоа.

Многу е веројатно дека нелегално преземениот програм има ограничени можности, кои пред сѐ се однесуваат на фактот дека нема да можете да ги поврзете проектите на кои работите ниту да ги вклучите останатите членови на тимот и да ги следите промените и развојот на документите. Исто така, корисниците на легалните лиценци имаат пристап до техничката и друга поддршка обезбедена од партнерите на Autodesk на локацијата на корисникот. Кога ви треба помош при работа во некој програм или имате проблем што може да го забави завршувањето на проектот, сакате да имате помош од овластен професионалец кој е на вашата локација и ги разбира сите специфичности на работата во вашето деловно опкружување. Многу партнери на Autodesk можат да ви понудат и сопствени додатоци за програмите (add-ons) кои ефикасно ќе решат некој предизвик.

Се разбира, најголемата опасност од користење нелегални верзии сè уште лежи во фактот што со сомнителен торент можете да закачите вирус и поради тоа вашиот проект може да се уништи и да исчезне за миг, носејќи во неврат време, идеи, напорна работа, а понекогаш и целокупниот оперативен систем на компјутерот на кој е симнат нелегалниот софтвер.

ПРОЕКТИРАЈ УСПЕШНА ИДНИНА – БЕСПЛАТНИ AUTODESK ЛИЦЕНЦИ

Додека сте во образовниот систем и го пробивате вашиот пат до професионална кариера во која програмите на Autodesk ќе бидат неопходна алатка во вашата секојдневна работа, треба да знаете дека Autodesk обезбедува бесплатни лиценци за сите државни технички училишта и факултети. На овој начин, Autodesk го поддржува образованието на нови професионалци и овозможува изградба на добра основа за идна кариера.

ПОВРЗАНА И ПОЕФИКАСНА РАБОТА ВО ПРОГРАМИТЕ НА AUTODESK – ПОВЕЌЕ МОЖНОСТИ, ПОГОЛЕМ ПРОФИТ

Од почетокот на 2020 година и пандемијата која пресели многу работни места во домовите, се чини дека cloud стана еден од најважните зборови. Можноста да ги поврзувате вашите проекти, да ги „преселите“ на вашиот домашен компјутер без да се загрози квалитетот на работата и безбедноста на податоците е нешто што не се подразбира секогаш. Корисниците на програмите на Autodesk ја поминаа оваа транзиција прилично глатко благодарение на ефикасните решенија што ги имаа на располагање.

Она што ниту една нелегална верзија не може да го постигне е следното ниво на поврзана работа: кога користите легални лиценци, можете лесно да ги поврзете, на пример, програмите во AEC колекцијата, да ги вкрстите анализите на повеќе платформи за да се добијат потребните податоци или да се конвертираат 2D елементите на еден проект во 3D дизајн. Овој степен на ефикасност, брзина и леснотија на користење едноставно не можете да го добиете во која било „кракувана“ верзија.

ПЛАНИРАЊЕ И ИНВЕСТИРАЊЕ ВО ДОЛГОРОЧНА БЕЗБЕДНОСТ

Може ли Autodesk да открие дека вашата компанија користи нелегален софтвер?

Одговорот е едноставен – ако сака, може. Постојат повеќе можности за тоа, но тука секако не треба да станува збор за лов на корисници на нелегален софтвер. Ова е повеќе прашање на здраворазумски пристап кон работењето и развојот на бизнисот. Ако сакате квалитет, јасно е дека треба да инвестирате во него.

Добриот софтвер вреди. Исто како вашето време и образование. Ако сечија експертиза има цена, зошто некој би помислил дека годините на развој и инвестирање во напреден софтвер може да се користат бесплатно?

Секоја сериозна компанија се стреми да ја зголеми ефикасноста преку автоматизација. Низ многу индустрии се забележува зголемување на употребата на алатки кои, со примена на вештачката интелигенција или огромни бази на податоци, значително го скратуваат некогашното време на изработка на проекти и производство. Ако некоја компанија плаќа за алатка за автоматизирање на одредени процеси, не постои причина зошто не би можела да си го дозволи годишниот износ на AutoCAD лиценцата. Особено ако се земе предвид дека токму тоа е програмот на кој во многу случаи се базира бизнисот на многу архитектонски бироа, проектанти, но и хонорарци и големи градежни компании.

Со секое ново ажурирање или верзија доаѓаат нови алатки, покорисни команди, поедноставно управување. Корисниците кои редовно купуваат лиценци постигнуваат подобри резултати бидејќи постојано се на изворот на нови можности, ги следат трендовите во професијата и ги применуваат во својата работа интуитивно и без одлагање.

КАКВА Е СИТУАЦИЈАТА НА ПАЗАРОТ?

Едно од честите барања на големите клиенти при склучување договори со подизведувачи, помали фирми и професионалци е подизведувачот да користи само легални, ажурирани лиценци за потребниот софтвер за работа. Во друг случај, клиентите сакаат проектот да им биде доставен во точно одредена постара верзија на програмот. Ниту тоа не претставува никаков проблем за корисниците на легални лиценци бидејќи Autodesk ви овозможува да пристапите и да се вратите и до 3 верзии наназад.

Неможноста да одговорите на барањата на клиентите или на тендерите секако влијае не само на вашата репутација – како професионалец или носител на одлуки во една компанија, туку и директно ги загрозува профитот и растот. Ако користите алатка која ви помага да се прилагодите на барањата на пазарот, имате шанса таа приспособливост и соодветно да ја наплатите.

Оригиналните софтверски лиценци се главно прашање на внимателно и паметно планирање и инвестирање во развојот на кариерата и компанијата. Ако прашате искусни професионалци – тие ќе ви кажат дека колку побрзо почнете да инвестирате во подобрување на вашата работа, толку побрзо ќе ви се исплати. А ако нѐ прашате нас – веруваме дека не сте доволно богати за да губите време, углед, клиенти и квалитет на работата поради цената на оригиналниот софтвер.